Жешки полуголи девојки засилени со присуството на танчари и статисти -саде познати градски фаци, се само дел од изненадувањата кои ќе може да се видат спакувани во новиот спот на ДНК и Врчак за заедничката "Навлечен на тебе". Видеоизданието работено со Влатко и Пако се снимаше речиси цел ден во понеделникот во студиото ХХХ, а изобилува со згодни домашни и увозни мачиња, кои не се штедеа во покажувањето на своите облини спакувани во провокативни мини здолништа под кои им ѕиркаа тангите.



Домашните, всушност, се атрактивните стјуардеси од AXE јет авионот, кои со својата појава направија вистински бум во јавноста. Истото очекуваме во најмала рака да се случи и со спотот за кој главните актери се шегуваат дека е полн со "културно експлицитни" сцени, бидејќи, се разбира, според она што имавме можност да го видиме е прилично жежок и полн со динамични моменти.



Како сето изгледа спакувано, публиката ќе има можност да види за десетина дена, а официјалната промоција проследена со жешка журка е закажана за следниот месец.