Укината казната за купен алкохол по 19 часот

Уставниот суд ја укина одредбата од Законот за трговија со која се одредуваше граѓаните да платат казна доколку купат алкохол во продавница во периодот од 19 до 6 часот утрината.

Со оглед дека трговците мора да обезбедат лиценца за продажба на алкохолни пијалаци, нивна грижа е да не продаваат алкохол на малолетни лица и во посочениот период, посочуваат во Уставниот.

Со укинатото законско решение кое досега беше на сила, судот смета дека се нарушува слободата и угледот на граѓанинот кој е неприкосновен.

(преземено од А1)

Само за потсетување... Пред неколку месеци организиравме оnline петиција со која баравме од владата да ги укине овие ступидни ограничувања. Ова колку да не речи некој дека не сме сакале да помогнеме. Арно ама...

пак за потсетување:

12.09.2008 17:14 (преземено од А1):
На адреса на Владата стасаа и првите тет-а-тет поплаки од граѓаните, за забраната за продажба на алкохол. Револтот на терен, прв го почувствува министерот Бесими, од жителите на скопско Јурумлери.

Овие луѓе побараа за нив да не важи правилото, да не можат да купуваат алкохолни пијалаци и по 19 часот. Велат работеле до доцна и не стасувале навреме да си купат пиво, вино или ракија, а во едната кафеана што работи во селото било скапо.

„Пијалакот во кафеана е многу поскап од селските продавници. Мислам дека треба да се продолжи времето, кај што луѓето до 18 часот работат и додека се приберат дома, тоа е 19 часот. А до 19 часот тој е лимитиран“, вели Петар Божидар, претседател на месна заедница.

Бесими ги чу поплаките, но не ги развесели мештаните. Ставот на Владата останува непроменет. Алкохол не смее да се продава по 19 часот.

„За такви евентуални смени, во моментов не се размислува, ние остануваме на имплементација на законот“, изјави Фатмир Бесими, министер за економија.

Измените на законот со кој се ограничи продажбата на алкохол предизвикаа реакции и од бизнисмените, производителите и трговците на мало. Стопанската Комора на Македонија испрати предлог, алкохолот да се продава до 22 часот во сите продавници.

Тоа е кога економијата ја водат тие од УЧК.